今日係北角碼頭"劈完勁過燒豬"後,去了廟街的"美都餐室"食飯. 一間久不久會係電視劇出現的餐廳----不過多數係懷舊片,你就知個裝修設計係咩野style啦. 我地就係貪它夠懷舊,先去"見識"下. 去到這間位於"油麻地廟街63號"的餐室,真係幾得意. 充滿"唐樓"feel, 不過 又好乾淨wor,連d窗台同玻璃窗都"窗明几淨",d窗打開曬,有風吹入來,相當舒服. 裡面的"收銀機"款式好古老,依家買都買唔番, 不得不"鑑賞"一下呢!

最正的位置係二樓卡座, 自己一個或者帶多個朋友去,坐在對窗的卡位裡,享受著自然的微風,同平時係cafe吸ge"冷氣風"真係好唔同ga,舒服好多~~~仲可以望住樓下的廟街街景,日頭唔吵之餘,望助d阿伯係公園仔"抖涼"不知幾"寫意". 正如今日其中一位朋友說:"雖然下面是街,有吵雜聲,但你身處其中,坐在餐室裡,又唔覺得吵,反而覺得靜添." 得閑的話,可以坐上一個下午呢!